فرع عائله صيام فى مدينه القنايات بمحافظه الشرقيه

منور يا عبد الرحمن وسلملي على الوالد جدا وقوله محمود ابن العميد احمد صيام بيسلم عليك
وحاول تلم شباب وبنات العيلة عشان يشتركوا هنا ويا ريت لو تساهم في تجميع معلومات عن شجرة العيلة فرع القنايات

سلامي لك يا مايسترو محمود
فينك يا راجل والله وحشتنا
وسلامي لك يا أبن عمنا/ عبدالرحمن على عبدالله عبدالعاطى صيام
كويس قوي التعارف بين أفراد العائلة من نفس البلد
تحياتي لكل عائلة صيام في مدينة القنايات
منتظرين شجرة فرعكم
في أمان الله ورعايته

ازيك يا دكتور اسامة اخبار حضرتك ايه
انا الحمد لله اموري كويسة وبعتذر عن الغيبة الطويلة
عقبال عندك كنت مشغول في امور زواجي من بنت عمكم دارين علي صيام
والحمد لله ربنا يسر الامور وتم الجواز على خير
ولكن ادعي لعمي علي بالشفاء من المرض
وكل عام وحضرتك وكل ال صيام بخير

ألف ألف ألف مبروك للعروسين
الأستاذ / محمود احمد امين عطيه عطيه محمد حسن صيام
والأستاذه / دارين علي محمد حسن حسن صيام
وعقبال الذريه الصالحه
سلامي للعائله
في أمان الله ورعايته

السلام عليكم ورحمة الله وبركات احنا عائلة صيام بمحافظة الفيوم بس عايز اتعرف بالعائلة يا ريت ترسلوني وتعرفوني شجرة العائلة احنا هنا في الفيوم عائلة معروفة ومحترمة في جميع مراكز المحافظة

يا ريت نتعرف على بعض اكثر وايميلي موجود والعائلة كلها تتعرف على بعض بس ميبقاش عن طريق النت يا ريت يبقى تعارف شخصي بين كبار العائلة

أن شاء الله يتم كل ما تطلبه يا ابن العم

السلام عليكم ورحمة الله وبركاته
اولا احب ان اشكر من فكر في هذا المنتدي.
واحب ان اقول انني اعرف ان لعائلة صيام فروع في كل محافظات مصر وان اصل العائلة هو قبيلة في السعودية تحمل أسم صيام
وانا من سكان القاهرة ولكني من فرع العائلة في دمياط وبيت العائلة هناك مازال فيها
اتمني ان نتعارف اكثر وادعو الي لقاء يجمع الجميع.

أهلا بأبن عمنا/ أحمد حسين محمد حسان صيام في المنتدى
الفضل يرجع الى محمود صيام من فرع العائله بالقنايات محافظة الشرقيه في انشاء هذا المنتدى
عائلة صيام منتشره في مصر و فلسطين والنوبه و السودان والجزائر والسعوديه واليمن
كلامك صح يا أبن عمنا منشأ العائله من منطقه شمال اليمن تبع عسير بالسعوديه
أقوم حاليا بعمل دراسه عن أصل العائله ومنتظر التأكد التام من المعلومات التي عندي
من هو صيام؟ أبن من؟ من هم أخواته؟ كيف أنتشروا في الحجاز ثم الى السودان ثم الى فلسطين ومنها الى مصر والصعيد والنوبه ثم في النهاية الى الجزائر
يوجد بالمنتدي كثير من فرع العائله بدمياط أرجو التعرف عليهم
سلامي للعائله
في أمان الله ورعايته

الواحد سعيد جدا بالتجمع الكريم ده وياريت يبقا فى تواصل اكتر واستاذ محمود نتشرف بيك دا حتى احنا من بلد واحده
https://www.facebook.com/abdulrahman.syam1